Ilon Mask Twitter rahbariyatiga maxfiy maktub yo‘llab, bitimni har bir aksiya uchun 54,2 dollarlik narxda yopishni taklif qildi. Bu haqda axborot manbalariga tayanib Bloomberg xabar bermoqda.
Bu aprel oyida erishilgan dastlabki kelishuvda paydo bo‘lgan miqdor. O‘shanda Twitter’ning umumiy qiymati 44 milliard dollarga baholangan edi.
Biroq iyul oyida Mask kompaniyani shartnomani bekor qilish niyati haqida ma’lum qilgan, chunki u soxta akkauntlar soni bo‘yicha haqiqiy ma’lumotlarni ololmagan.
AQSHning Delaver shtati sudi milliarderning kompaniyani sotib olishdan bosh tortgani munosabati bilan Twitter’ning Maskga qarshi da’vosi bo‘yicha ish ko‘rishni 17-oktabrga belgilagan edi.
Sud jarayoniga qaramay, Twitter aksiyadorlari 13-sentabr kuni bo‘lib o‘tgan navbatdan tashqari yig‘ilishda Maskning kompaniyani sotib olish taklifini ma’qullagan edi.
Ovoz berish natijalariga ko‘ra, aksiyadorlarning 98,6 foizi bitimni qo‘llab-quvvatlagan.
Bu xabar ortidan Tesla aksiyalari 1,75 foizga qimmatlashdi.
Izoh (0)