Neft narxi dushanba kuni, 3-oktabr tushdan keyin OPEK + ishlab chiqarishni keskin kamaytirishi mumkinligi haqidagi xabarlar tufayli keskin o‘smoqda. Bu haqda “Interfaks” xabar bermoqda.
Londonning ICE Futures birjasida Brent neftining noyabr fyucherslari bir barreli uchun 3,39 dollarga (3,98 foiz) oshib, 88,53 dollarni tashkil qildi.
Nyu-York tovar birjasi elektron savdolarida oktabr oyi uchun WTI fyucherslari kotirovkalari belgilangan vaqtga kelib 3,33 dollarga (4,19 foizga) oshib, bir barrel uchun 82,82 dollargacha yetdi.
Brent nefti narxi o‘tgan haftani 2,2 foizga o‘sish bilan yakunladi, ammo sentyabrda va uchinchi chorakda mos ravishda 8,8 va 23 foizga pasaydi.
OPEK+ davlatlari neft qazib olish hajmini kuniga 1 million barreldan ko‘proq qisqartirishni ko‘rib chiqmoqda.
Shu bilan birga, tahlilchilar jahon iqtisodiy o‘sish sur’atlarining sekinlashuvi fonida bozor hali ham yaqin oylarda yoqilg‘iga bo‘lgan talabning qisqarishidan xavotirlanayotgani haqida ogohlantirmoqda.
Izoh (0)