Xitoy kompaniyalari Yevropaga Amerika suyultirilgan gaz (LNG) ortilgan tankerlarini jo‘natmoqda va qit’adagi mamlakatlarga qish oldidan zaxiralarni to‘ldirishda yordam bermoqda. Bu haqda The Wall Street Journal sanoat manbalari ma’lumotlariga tayangan holda xabar berdi.
Nashrning ma’lum qilishicha, Xitoyda gazga bo‘lgan talab kamaygani sababli, LNG sotib olish bo‘yicha AQSH bilan uzoq muddatli shartnomalar tuzgan mahalliy kompaniyalar ortiqcha xomashyoni sotib, yuzlab million dollar daromad olmoqda.
Joriy yilning dastlabki sakkiz oyida Xitoy portlarida bor-yo‘g‘i 19 ta LNG kemasini qabul qildi. O‘tgan yilning shu davridagi bunday kemalar soni 133 tani tashkil etgan bo‘lsa, ularning katta qismi Yevropa, shuningdek, Yaponiya va Janubiy Koreyadagi xaridorlarga yuborilgan.
Gazetaning hisob-kitobiga ko‘ra, Xitoyning Yevropa mamlakatlariga LNG yetkazib berayotgani bu qishda gaz taqchilligidan qochishga yordam bera olmaydi.
Xitoyning gazni qayta sotish bo‘yicha bunday bitimlardan oladigan foydasini aniq hisoblash qiyin: kelishuvlar xususiydir.
Kompaniyalar uzoq muddatli va oldindan kelishilgan shartnomalar bo‘yicha sotib olingan LNGni qayta sotishi va yuklar “ko‘p qo‘llardan” o‘tishi mumkin.
Izoh (0)