Turkiyada yillik inflyatsiya 83 foizdan oshdi

Turkiyada iste’mol narxlari sentyabrda ketma-ket o‘n oltinchi oy tezlashdi, natijada inflyatsiya 83 foizdan oshdi. Bu haqda “Interfaks” xabar bermoqda.

Bunga sabab sifatida mamlakat Markaziy banki tomonidan foiz stavkalarining oshirilishi, shuningdek, elektr energiyasi va gaz narxlarining yuqorilashi fonida milliy valyuta kursining tarixiy minimal darajaga tushib ketgani ko‘rsatilgan.

Mamlakat statistika instituti ma’lumotlariga ko‘ra, o‘tgan oyda narxlar 1998-yil iyulidan beri eng yuqori ko‘rsatkichga yetdi va yillik hisobda 83,5 foizni tashkil etdi. Avgust oyida inflyatsiya 80,2 foiz bo‘ldi.

Uy-joy va kommunal xizmatlar narxi 84,7 foizga, transport xizmatlari 117,7 foizga, energiya narxi 133 foizga oshdi. Oziq-ovqat va alkogolsiz ichimliklar 93,1 foizga qimmatlashdi.

Sentyabr oyida iste’mol narxlarining o‘sishi o‘tgan oyga nisbatan 3,1 foizni tashkil etdi. Avgust oyida bu ko‘rsatkich 1,5 foiz bo‘lgan.