“Shimoliy oqim” va “Shimoliy oqim 2” gaz quvurlarida yana bir gaz sizib chiqish holati aniqlanib, ularning soni 4 taga yetdi. Bu haqda Shvetsiya Sohil xavfsizlik xizmatiga tayanib, “Kommersant” xabar berdi.
Ulardan ikkitasi Shvetsiya iqtisodiy zonasida joylashgan. Shvetsiya hukumati avvalroq uchta gaz sizib chiqish holati haqida xabar bergan edi.
26-sentabr kuni “Shimoliy oqim”da bosim keskin pasaydi. Gaz sizib chiqish hodisasi uchta liniyada topilgan. Yevropa va Rossiya rasmiylarining taxminicha, bu sabotaj natijasida sodir bo‘lgan.
Rossiya Bosh prokuraturasi hodisani “xalqaro terrorizm akti” deb baholadi. Mamlakat BMT Xavfsizlik kengashining favqulodda yig‘ilishini chaqirdi.
Ikkala gaz quvuri ham texnik gaz bilan to‘ldirilgan. “Shimoliy oqim” orqali gaz yetkazib berish “Gazprom” uchun uskunalarga texnik xizmat ko‘rsatish bilan bog‘liq cheklovlar tufayli yuzaga kelgan qiyinchiliklar tufayli sentyabr oyida to‘xtatilgan edi. “Shimoliy oqim 2” esa sanksiyalar tufayli hech qachon ishga tushirilmagan.
26-sentabrga o‘tar kechasi Daniyaning Bornholm oroli yaqinidagi eksklyuziv iqtisodiy zonasida “Shimoliy oqim 2” gaz quvurlaridan biri va “Shimoliy oqim 1”ning ikkala trubkasidan gaz sizib chiqqan. Shvetsiya va daniyalik seysmologlar o‘sha tunda hududda portlashlarni qayd etgan.
Avvalroq portlashlardan keyin “Shimoliy oqim” butunlay ishdan chiqishi mumkinligi haqida xabar berilgandi.
Mavzuga doir:
Izoh (0)