Germaniya xavfsizlik xizmatlari “Shimoliy oqim 1” va “Shimoliy oqim 2” gaz quvurlarining uchta liniyasi zudlik bilan ta’mirlanmasa, ular korroziya natijasida butunlay ishdan chiqishini bildirdi. Bu haqda Tagesspiegel xabar bermoqda.
Germaniyada Federal Tashqi ishlar vazirligining inqiroz guruhi, shuningdek, bir nechta federal vazirliklar hodisa bilan shug‘ullanmoqda.
Nazariyaga ko‘ra, g‘avvoslar “Shimoliy oqim 1”ning ikkita quvuriga va “Shimoliy oqim 2”ning hali ishga tushmagan ikkita quvuridan biriga portlovchi moddalar biriktirgan bo‘lishi mumkin.
Tagesspiegel nashriga ko‘ra, portlashlar oqibatida sizib chiqqan gaz hajmi juda katta va bosimning tushish tezligi mos ravishda yuqori. Voqea sodir bo‘lgan uchta joy o‘rtasida ham sezilarli masofa mavjud.
Voqea fonida federal politsiya tomonidan Germaniyaning suveren suvlari ustidan nazorat kuchaymoqda, ular muhim infratuzilmaning tegishli yo‘nalishlarini diqqat bilan kuzatib bormoqda.
26-sentabrga o‘tar kechasi Daniyaning Bornholm oroli yaqinidagi eksklyuziv iqtisodiy zonasida “Shimoliy oqim 2” gaz quvurlaridan biri va “Shimoliy oqim 1”ning ikkala trubkasidan gaz sizib chiqqan. Shvetsiya va daniyalik seysmologlar o‘sha tunda hududda portlashlarni qayd etgan.
Yevropaning turli davlatlari va Yevropa Ittifoqi tuzilmalarining yuqori martabali amaldorlari bir vaqtning o‘zida uchta quvurga zarar yetkazilishi sabotaj bo‘lishi mumkinligini taxmin qilgan.
Izoh (0)