O‘zbekistonga 2022-yilning yanvar—avgust oylarida xorijdan qiymati 123 mln dollarga teng bo‘lgan 1,9 mln dona mobil telefon import qilingan. Bu haqda Davlat statistika qo‘mitasi xabar bermoqda.
Telefon importi o‘tgan yilning shu davriga nisbatan 300 mingtaga ko‘paygan. Avgust oyining o‘zida 400 mingtadan ortiq telefon olib kelingan.
O‘zbekiston 13 ta davlatdan telefon import qilgan.
O‘zbekiston 8 oy mobaynida mobil telefonlarni eng ko‘p import qilgan davlatlar orasida Xitoy yetakchilik qilmoqda — 1,4 mln dona. BAA esa bu borada 239 ming dona bilan ikkinchi o‘rinni egalladi.
Uchinchi o‘rinda Vyetnam qayd etilgan — 148 mingta. Keyingi o‘rinlarni esa Hindiston (127 ming dona), Qozog‘iston (25 ming dona) va Koreya (2,1 ming dona) egalladi.
Avvalroq Xitoyda mobil telefon ishlab chiqarish 2022-yilda kamaygani haqida xabar berilgan edi.
Izoh (0)