Toshkentning Yashnobod tumanidagi kafelarning birida yong‘in sodir bo‘lgani aks etgan foto va videolar ijtimoiy tarmoqlarda tarqaldi. FVV holat yuzasidan ma’lumot berdi.
28-sentabr kuni soat 10:07 da tumanning Muxtor Ashrafiy ko‘chasida joylashgan oshxonalarning birida yong‘in sodir bo‘layotgani to‘g‘risida shahar FVBga xabar kelib tushgan. Shunga ko‘ra 4 ta yong‘in-qutqaruv ekipaji soat 10:12 da voqea joyiga yetib borib, yong‘in soat 10:29 da qurshab olingan va soat 10:41 da bartaraf etilgan.
Xabarda aytilishicha, yong‘in oqibatida oshxonaning taxminan 100 kvadrat metr maydonda tom qismi yonib zararlangan. Hodisa oqibatida tan jarohati olganlar va halok bo‘lganlar yo‘q.
Hozirda yong‘inning kelib chiqish sababi va moddiy zarar miqdori aniqlanmoqda.
Mavzuga doir: Toshkentda ko‘p qavatli uyda joylashgan do‘konni yoqib yuborgan shaxs Qashqadaryoda qo‘lga olindi
Izoh (0)