Тошкентнинг Яшнобод туманидаги кафеларнинг бирида ёнғин содир бўлгани акс этган фото ва видеолар ижтимоий тармоқларда тарқалди. ФВВ ҳолат юзасидан маълумот берди.
28 сентябрь куни соат 10:07 да туманнинг Мухтор Ашрафий кўчасида жойлашган ошхоналарнинг бирида ёнғин содир бўлаётгани тўғрисида шаҳар ФВБга хабар келиб тушган. Шунга кўра 4 та ёнғин-қутқарув экипажи соат 10:12 да воқеа жойига етиб бориб, ёнғин соат 10:29 да қуршаб олинган ва соат 10:41 да бартараф этилган.
Хабарда айтилишича, ёнғин оқибатида ошхонанинг тахминан 100 квадрат метр майдонда том қисми ёниб зарарланган. Ҳодиса оқибатида тан жароҳати олганлар ва ҳалок бўлганлар йўқ.
Ҳозирда ёнғиннинг келиб чиқиш сабаби ва моддий зарар миқдори аниқланмоқда.
Мавзуга доир: Тошкентда кўп қаватли уйда жойлашган дўконни ёқиб юборган шахс Қашқадарёда қўлга олинди
Изоҳ (0)