Amerikaning Apple kompaniyasi Hindistonda iPhone 14 smartfonlarining eng yangi modelini ishlab chiqarishni boshladi. Bu haqda Hindustan Times Apple bayonotiga tayanib xabar berdi.
Foxconn kompaniyasining Chennay yaqinidagi Sriperumbudur zavodida iPhone 14 ishlab chiqarish boshlandi.
Made in India qurilmalari yaqin kunlarda mahalliy mijozlarga taqdim etiladi.
Biz Hindistonda iPhone 14 flagmanini yaratayotganimizdan xursandmiz, — deyiladi Apple bayonotida.
Apple kompaniyasi o‘zining iPhone smartfonlarining ko‘p qismini Xitoyda ishlab chiqarmoqda, biroq AQSH va Xitoy hukumatlari o‘rtasidagi munosabatlarning murakkablashuvi tufayli muqobil variantlarni topishga harakat qilyapti.
1976-yilda asos solingan Apple iPhone, iPad, iMac, MacBook va boshqa yuqori texnologiyali mahsulotlarni ishlab chiqaradi. Korporatsiya dunyodagi eng yirik korporatsiyalardan biridir.
Avvalroq O‘zbekistonda iPhone 14 sotuvi boshlangani haqida xabar berilgan edi.
Izoh (0)