Apple Ҳиндистонда iPhone 14 смартфонларини ишлаб чиқаришни бошлади

Американинг Apple компанияси Ҳиндистонда iPhone 14 смартфонларининг энг янги моделини ишлаб чиқаришни бошлади. Бу ҳақда Hindustan Times Apple баёнотига таяниб хабар берди.

Foxconn компаниясининг Ченнай яқинидаги Сриперумбудур заводида iPhone 14 ишлаб чиқариш бошланди. 

Маде ин Индиа қурилмалари яқин кунларда маҳаллий мижозларга тақдим этилади. 

Биз Ҳиндистонда iPhone 14 флагманини яратаётганимиздан хурсандмиз, — дейилади Apple баёнотида.

Apple компанияси ўзининг iPhone смартфонларининг кўп қисмини Хитойда ишлаб чиқармоқда, бироқ АҚШ ва Хитой ҳукуматлари ўртасидаги муносабатларнинг мураккаблашуви туфайли муқобил вариантларни топишга ҳаракат қиляпти.

1976 йилда асос солинган Apple iPhone, iPad, iMac, MacBook ва бошқа юқори технологияли маҳсулотларни ишлаб чиқаради. Корпорация дунёдаги энг йирик корпорациялардан биридир. 

Аввалроқ Ўзбекистонда iPhone 14 сотуви бошлангани ҳақида хабар берилган эди.