Qatar Airways Skytrax World Airline Awards 2022 da dunyoning eng yaxshi aviakompaniyasi deb topildi. Bu haqda Bloomberg xabar bermoqda.
Singapore Airlines va Emirates esa mos ravishda ikkinchi va uchinchi o‘rinlarni egalladi.
Yaponiyaning All Nippon Airways va Avstraliyaning Qantas Airways kompaniyalari kuchli beshlikni yakunladi.
Gonkongning Cathay Pacific aviakompaniyasi esa o‘tgan yilgi oltinchi o‘rindan 16-o‘ringa tushib ketdi.
Mukofotlar, shuningdek, har bir salon sinfi uchun eng yaxshi aviakompaniyani ajratdi.
Birinchi toifadagi eng yaxshi salon deb Singapore Airlines topilgan bo‘lsa, Qatar Airways eng yaxshi biznes-klassga ega aviakompaniya deya qayd etildi.
Virgin Atlantic Airways premium ekonom yo‘nalishida, Emirates esa eng yaxshi tejamkor kabina nominatsiyasida g‘olib bo‘ldi.
Qatar Airways COVID-19 pandemiyasi davomida doimiy ravishda parvoz qilgan eng yirik aviakompaniya bo‘ldi. Bu esa uning mijozlar tomonidan yaxshi baholanishiga sabab bo‘lgan.
World Airline Awards mukofotlari 2021-yil sentabridan 2022-yil avgustigacha ingliz, fransuz, ispan, rus, yapon va xitoy tillarida o‘tkazilgan mijozlarning onlayn so‘rovi natijasida aniqlandi. Yakuniy natijalarda 350 dan ortiq aviakompaniyalar ishtirok etdi.
Izoh (0)