Qatar Airways Skytrax World Airline Awards 2022 да дунёнинг энг яхши авиакомпанияси деб топилди. Бу ҳақда Bloomberg хабар бермоқда.
Singapore Airlines ва Emirates эса мос равишда иккинчи ва учинчи ўринларни эгаллади.
Япониянинг All Nippon Airways ва Австралиянинг Qantas Airways компаниялари кучли бешликни якунлади.
Гонконгнинг Cathay Pacific авиакомпанияси эса ўтган йилги олтинчи ўриндан 16-ўринга тушиб кетди.
Мукофотлар, шунингдек, ҳар бир салон синфи учун энг яхши авиакомпанияни ажратди.
Биринчи тоифадаги энг яхши салон деб Singapore Airlines топилган бўлса, Qatar Airways энг яхши бизнес-классга эга авиакомпания дея қайд этилди.
Virgin Atlantic Airways премиум эконом йўналишида, Emirates эса энг яхши тежамкор кабина номинациясида ғолиб бўлди.
Qatar Airways COVID-19 пандемияси давомида доимий равишда парвоз қилган энг йирик авиакомпания бўлди. Бу эса унинг мижозлар томонидан яхши баҳоланишига сабаб бўлган.
World Airline Awards мукофотлари 2021 йил сентябридан 2022 йил августигача инглиз, француз, испан, рус, япон ва хитой тилларида ўтказилган мижозларнинг онлайн сўрови натижасида аниқланди. Якуний натижаларда 350 дан ортиқ авиакомпаниялар иштирок этди.
Изоҳ (0)