Xonanda Abdulla Qurbonov o‘g‘lining to‘yida hamkasblarining ustidan dollar sochganiga izoh berdi. Shuningdek, xonandaning o‘g‘li Muzaffar Qurbonov to‘yida do‘stlarining biri yo‘l harakati qoidalarini buzgani uchun tanbeh berishgani haqida gapirdi.
Ijtimoiy tarmoqlarda Abdulla Qurbonov o‘g‘lining to‘yida O‘zbekiston xalq artisti Farrux Zokirov va Gulsanam Mamazoitovaning ustidan dollar sochgani aks etgan videolar tarqalgan edi.
“Bir inson to‘yda nimaga ustozning ustidan dollar sochdingiz, deb so‘radi. Avvalambor menga Farrux dodam chet elni o‘rgatdilar, shu dollarni men o‘sha inson sabab ushlaganman. Aslida novvoy bo‘lib yurganman. Farrux dodamning nimalari bo‘lsa, menda turar edi, pullarimi, hamyonlarimi, birorta narsalari yo‘qolmagan. Hech nimasiga xiyonat qilmaganman. Choy ichardi, choyiga ham o‘zim qarar edim. Hattoki kiyimlariga ham qarar edim.
Baxtni inson o‘zi yaratadi. Men u insonning yonida yurib baxtimni, yo‘limni topganman. Menga ustoz bo‘lgan, qayerga borsa, birinchi qo‘llaridan narsasini olaman. Doda, choy olib kelaymi, deb o‘zim borib damlab kelaman. Bu insonga butun umr xizmat qilaman, borimni berishga tayyorman. Aslida dodam pulni yomon ko‘radi, qo‘liga olgisi kelmaydi. O‘sha bir dollarliklarni AQSHdan olib kelganman, men yuz dollarlik sochganim yo‘q. Shu dodamning ustidan sochaman deganman.
Gulsanam singlim, uni ham yaxshi ko‘raman. Gulsanam Sanjar bilan turmush qurganda oldiga borib pul bersam, akamsiz deb olmadi. Keyin mana bo‘lmasam deb, o‘g‘limning to‘yida Farrux dodam bilan Gulsanamning ustidan dollar sochgandim, hamma ko‘zlar yerga tushdi. Mana sizlarga ‘archa bayram’, dedim”, — deydi xonanda.
Abdulla Qurbonovning o‘g‘li Muzaffar Qurbonov to‘yida bir do‘sti yo‘l harakati qoidalarini buzgani, bu esa ijtimoiy tarmoqlarda tarqalib ketgani va shundan keyin ularni chaqirib, tanbeh berishgani haqida gapirdi.
“To‘yimda esda qolarli vaziyat bo‘ldi, navkarga ketayotgan vaqtimizda bir do‘stim mashinaning tom qismiga chiqib o‘ynadi. Ertasi kuni bu Telegram-kanallarda tarqalib ketdi va shundan keyin bizni chaqirib tarbiyaviy soat o‘tishdi”, — deydi Muzaffar Qurbonov.
Mavzuga doir:
- Instagram: O‘g‘lining to‘yida san’atkorlar ustidan dollar sochgan Abdulla Qurbonov, turmushga chiqayotgan Ruxshona, Jahongir Xo‘jayev Umra safarida.
- Instagram: O‘zbekistonga rahmat aytgan Xabi Leym, uxlayotgan videosiga izoh bergan Abdulla Qurbonov, kasallik tufayli ovozini yo‘qotayotgan Afzal Rafiqov.
- Instagram: Choyxonada “uxlab qolgan” Abdulla Qurbonov, mashina haydashni o‘rganayotgan Iskandar Hamroqulov, Zarina Nizomiddinovaning tanaffusdan keyingi ilk roli.
- Abdulla Qurbonov onasining 75 yoshga to‘lishi munosabati bilan hovlisida bayram tashkillashtirdi (foto, video).
Izoh (0)