Хонанда Абдулла Қурбонов ўғлининг тўйида ҳамкасбларининг устидан доллар сочганига изоҳ берди. Шунингдек, хонанданинг ўғли Музаффар Қурбонов тўйида дўстларининг бири йўл ҳаракати қоидаларини бузгани учун танбеҳ беришгани ҳақида гапирди.
Ижтимоий тармоқларда Абдулла Қурбонов ўғлининг тўйида Ўзбекистон халқ артисти Фаррух Зокиров ва Гулсанам Мамазоитованинг устидан доллар сочгани акс этган видеолар тарқалган эди.
«Бир инсон тўйда нимага устознинг устидан доллар сочдингиз, деб сўради. Авваламбор менга Фаррух додам чет элни ўргатдилар, шу долларни мен ўша инсон сабаб ушлаганман. Аслида новвой бўлиб юрганман. Фаррух додамнинг нималари бўлса, менда турар эди, пулларими, ҳамёнларими, бирорта нарсалари йўқолмаган. Ҳеч нимасига хиёнат қилмаганман. Чой ичарди, чойига ҳам ўзим қарар эдим. Ҳаттоки кийимларига ҳам қарар эдим.
Бахтни инсон ўзи яратади. Мен у инсоннинг ёнида юриб бахтимни, йўлимни топганман. Менга устоз бўлган, қаерга борса, биринчи қўлларидан нарсасини оламан. Дода, чой олиб келайми, деб ўзим бориб дамлаб келаман. Бу инсонга бутун умр хизмат қиламан, боримни беришга тайёрман. Аслида додам пулни ёмон кўради, қўлига олгиси келмайди. Ўша бир долларликларни АҚШдан олиб келганман, мен юз долларлик сочганим йўқ. Шу додамнинг устидан сочаман деганман.
Гулсанам синглим, уни ҳам яхши кўраман. Гулсанам Санжар билан турмуш қурганда олдига бориб пул берсам, акамсиз деб олмади. Кейин мана бўлмасам деб, ўғлимнинг тўйида Фаррух додам билан Гулсанамнинг устидан доллар сочгандим, ҳамма кўзлар ерга тушди. Мана сизларга ‘арча байрам’, дедим», — дейди хонанда.
Абдулла Қурбоновнинг ўғли Музаффар Қурбонов тўйида бир дўсти йўл ҳаракати қоидаларини бузгани, бу эса ижтимоий тармоқларда тарқалиб кетгани ва шундан кейин уларни чақириб, танбеҳ беришгани ҳақида гапирди.
«Тўйимда эсда қоларли вазият бўлди, навкарга кетаётган вақтимизда бир дўстим машинанинг том қисмига чиқиб ўйнади. Эртаси куни бу Telegram-каналларда тарқалиб кетди ва шундан кейин бизни чақириб тарбиявий соат ўтишди», — дейди Музаффар Қурбонов.
Мавзуга доир:
- Instagram: Ўғлининг тўйида санъаткорлар устидан доллар сочган Абдулла Қурбонов, турмушга чиқаётган Рухшона, Жаҳонгир Хўжаев Умра сафарида.
- Instagram: Ўзбекистонга раҳмат айтган Хаби Лейм, ухлаётган видеосига изоҳ берган Абдулла Қурбонов, касаллик туфайли овозини йўқотаётган Афзал Рафиқов.
- Instagram: Чойхонада «ухлаб қолган» Абдулла Қурбонов, машина ҳайдашни ўрганаётган Искандар Ҳамроқулов, Зарина Низомиддинованинг танаффусдан кейинги илк роли.
- Абдулла Қурбонов онасининг 75 ёшга тўлиши муносабати билан ҳовлисида байрам ташкиллаштирди (фото, видео).
Изоҳ (0)