Naqd dollar yetishmasligi Nigeriya iqtisodini inqirozga olib keldi. Bu haqda Financial Times xabar bermoqda.
Mamlakat rasmiylari tomonidan milliy valyuta nairadan foydalanishni rag‘batlantirish maqsadida valyuta operatsiyalariga kiritilgan cheklovlar tufayli bir necha oydirki, Nigeriyada dollarning keskin taqchilligi kuzatilmoqda.
Hukumat dollar sotib olishni cheklab qo‘ydi va neft eksportining qisqarishidan tushadigan daromadni oshirish uchun nairani bir necha bor devalvatsiya qildi.
Yil boshidan beri neft zaxiralari bo‘yicha dunyoda o‘ninchi o‘rinni egallagan Nigeriyaning oltin-valyuta zaxiralari 5 foizga kamayib, 38 milliard dollarni tashkil etdi.
Ommaviy korrupsiya va samarasiz iqtisodiy choralar neftga boy Nigeriya ushbu tovar eksportini oshira olmasligiga olib keldi — agar Nigeriya uchun OPEK kvotasi kuniga 1,8 mln barrel bo‘lsa, u holda mamlakat atigi 1,1 mln barrelni eksport qiladi.
Nigeriyada dollar taqchilligi xorijlik hamkorlar, mahalliy investorlar va farzandlari xorijiy ta’lim muassasalarida tahsil olayotgan fuqarolar bilan ish olib boruvchi mahalliy kompaniyalarga eng ko‘p ta’sir qiladi. Ularning barchasida hisob-kitoblarni to‘lash uchun valyuta topish juda qiyin.
Ma’lum qilinishicha, Emirates aviakompaniyasi Nigeriya poytaxti Lagosga parvozlarini to‘xtatib qo‘yish bilan tahdid qilgan, chunki bu aviakompaniya mamlakatdagi faoliyati uchun Nigeriya Markaziy banki tomonidan ajratilgan zarur 464 million dollar o‘rniga atigi 265 million dollar olishga muvaffaq bo‘lgan.
Izoh (0)