19-sentyabrdagi savdolar yakuniga ko‘ra Yevropada gaz narxi 1 000 kub metr uchun taxminan 1 800 dollargacha pasaygan. Bir sutka davomida gaz narxining umumiy pasayishi 6,5 foizni tashkil etdi. Bu haqda “TASS” xabar bermoqda.
Gollandiyadagi TTF markazida oktabr fyucherslarining narxi 1 000 kub metr uchun 1 815 dollarga yoki MVt/soat uchun 175,5 yevroga tushdi.
Gaz narxining pasayishi Yevropa omborlaridagi gaz zaxiralari maksimal darajaga yaqinlashganda sodir bo‘lmoqda — hozir ular jami 85 foizdan ko‘proqqa to‘ldirilgan.
Yevropa Ittifoqi davlatlari 2022—2023-yillar qishiga qadar UGS obyektlarini kamida 80 foizga va keyingi barcha qish mavsumlarida 90 foizga to‘ldirishni maqsad qilgan.
Bundan tashqari, so‘nggi kunlarda Yevropada shamol elektr stansiyalarida energiya ishlab chiqarish ulushi sezilarli darajada oshdi. Bu avgust oyida 10 foiz, iyulda 12 foiz va 2021-yil sentyabrda 9 foizga nisbatan bu oyda o‘rtacha 14 foizdan oshadi.
Avvalroq “Gazprom” suyultirilgan gaz narxining o‘sishini prognoz qilayotgani haqida xabar berilgandi.
Izoh (0)