O‘zbekistonning Yaponiyadagi elchixonasi tomonidan Yaponiyaning Exime prefekturasida O‘zbekistonning savdo-iqtisodiy, sayyohlik va sarmoyaviy salohiyati taqdimoti bo‘lib o‘tdi. Bu haqda “Dunyo” agentligiga tayanib, EastFruit xabar bermoqda.
Tadbirda Yaponiyada faoliyat yuritayotgan tashkilot va kompaniya vakillari ishtirok etdi.
Bir qator kompaniyalar aniq yo‘nalishlar, jumladan, O‘zbekistonda souslar va ziravorlar ishlab chiqarish uchun achchiq o‘simliklar sotib olish bo‘yicha hamkorlikka qiziqish bildirgan.
O‘zbekistonlik diplomatlarning Exime prefekturasiga ishchi safari doirasida Yaponiyaning eng muvaffaqiyatli oziq-ovqat kompaniyalaridan biri, Yaponiyadagi souslar va ziravorlar ishlab chiqaruvchi yirik kompaniya rahbari bo‘lgan “Nihon Shokken” kompaniyasi prezidenti Ozava Kazuxiko bilan muzokaralar o‘tkazildi. Kompaniyaning yillik daromadi 1 milliard dollardan oshadi.
Yaponiya kompaniyasi prezidenti souslar tayyorlashda foydalanish uchun O‘zbekistondan eng yuqori sifatli ziravorlar, shuningdek, milliy hunarmandchilik va xalq amaliy san’ati mahsulotlarini olib kirishga qiziqish bildirdi.
Muzokaralar yakunlari bo‘yicha O‘zbekistonda yapon tashkilot va kompaniyalari vakillari bilan alohida ikki tomonlama uchrashuvlar o‘tkazish kelishib olingan.
Avvalroq O‘zbekiston Belarusga quritilgan sabzavot va mevalar yetkazib beraishi haqida xabar berilgan edi.
Izoh (0)