Saudiya Arabistonining ACWA Power kompaniyasi ACWA Power Uzbekistan Project Holding’dagi 49 foiz ulushini sotish uchun 130 million dollarlik shartnoma imzoladi.
Bitim Xitoyning Silk Road jamg‘armasining sho‘ba korxonasi bo‘lgan CVXF kompaniyasi bilan tuzildi.
Kompaniyaning ta’kidlashicha, loyiha O‘zbekistonning Sirdaryo viloyatida ACWA Power kompaniyasi tomonidan “qur, egalik qil, boshqar, o‘tkaz” modeli bo‘yicha ishlab chiqilayotgan 1500 MVt quvvatga ega kombinatsiyalangan gaz elektr stansiyasi hisoblanadi.
Loyihaning muhandislik, xarid va qurilish pudratchisi 2021-yilda qurilishini boshlagan China Energy Engineering korporatsiyasidir. U 2024-yilda tijorat faoliyatini boshlashi rejalashtirilgan.
“O‘zbekiston Milliy elektr tarmog‘i” kompaniyasi 25 yil muddatga loyihaning yagona qabul qiluvchisi sifatida ish olib boradi.
2024-yil boshida qurib bitkaziladigan obyekt O‘zbekiston umumiy elektr quvvatining 8 foizini tashkil etadi.
Bu esa sanoat va uy xo‘jaliklari bo‘yicha mamlakatning elektr energiyasiga bo‘lgan talabining 15 foizini qondiradi.
ACWA Power global miqyosda kengayishda davom etar ekan, missiyamizga yolg‘iz erishib bo‘lmaydi. Muvaffaqiyatli davlat-xususiy sheriklik modelimiz doirasida Silk Road jamg‘armasi kabi global investorlarning qo‘llab-quvvatlashi muhim ahamiyatga ega. Biz Silk Road jamg‘armasining o‘z imkoniyatlarimizga ishonchini chin dildan qadrlaymiz va ular bilan O‘zbekistonda Sirdaryo bo‘yicha benchmarking loyihasida hamkorlik qilish va birgalikda hamma uchun toza, yashil kelajakni yaratishni intiqlik bilan kutamiz, — deydi ACWA Power raisi o‘rinbosari va bosh ijrochi direktori Peddi Padmanatan.
Sirdaryodagi obyekt ACWA Power hamda Silk Road fondining O‘zbekiston va Markaziy Osiyodagi birinchi strategik hamkorligi hisoblanadi.
Bundan tashqari, ACWA Power O‘zbekistonda uchta qo‘shimcha loyihaga ega bo‘lsa, Silk Road jamg‘armasi mamlakatda madaniyat, turizm, neft va gaz sohalariga sarmoya kiritgan.
Sirdaryo loyihasi Xitoy, Saudiya Arabistoni va O‘zbekiston o‘rtasidagi “Bir kamar, bir yo‘l” tashabbusi doirasidagi hamkorlik ramzidir. Silk Road jamg‘armasi ACWA Power bilan hamkorlikda mahalliy aholiga toza energiyani yanada samaraliroq yetkazib beradi, — dedi jamg‘arma raisi Zu Jun.
O‘zbekiston janubidagi Shirin shahrida joylashgan mazkur loyiha mamlakatga aholi punktlari uchun tejamkor va energiya tejamkor yechimlarini taqdim etishda, yiliga 2 million tonna uglerod chiqindilarini siqib chiqarishda yordam beradi.
ACWA Power kompaniyasi Buxoro viloyatining ikkita tumanida har biri 500 megavatt quvvatga ega ikkita shamol elektr stansiyasini qurmoqda. Shuningdek, Qoraqalpog‘istonning Qorauzak tumanida 100 megavatt quvvatga ega shamol elektr stansiyasi qurilmoqda.
Izoh (0)