“O‘zGASHKLITI” kompaniyasi ustav kapitalidagi 100 foiz davlat ulushini 133,7 mlrd so‘mga sotib olish bo‘yicha shartnoma imzolandi. Bu haqda Davlat aktivlarini boshqarish agentligi xabar bermoqda.
“O‘zGASHKLITI” qanday kompaniya?
“Qurilish, geoinformatika va shahar kadastrida muhandislik tadqiqotlari davlat loyiha-tadqiqot instituti” DUK (“O‘zGASHKLITI” DUK) 1963-yilda tashkil etilgan va o‘z faoliyatini O‘zbekiston davlat muhandislik-texnik tadqiqotlar instituti sifatida boshlagan.
Keyinchalik investorlarga sotish maqsadida 2021-yil avgust oyida Kompaniya mas’uliyati cheklangan jamiyat sifatida qayta tashkil etilgan.
Joylashgan manzili: Toshkent shahri, Chilonzor tumani, Qatortol ko‘chasi 38. Maydoni 0,21 ga. Bino va inshootlarning maydoni 5 079 kvadrat metr. Xodimlarning umumiy soni 738 kishi.
2020-yil davomida “O‘zGASHKLITI” tomonidan 104,1 milliard so‘mlik ishlar bajarilib, 4,6 milliard so‘m sof foyda olingan.
Avvalroq Toshkent viloyatidagi “Piramida” dam olish maskani 208 mlrd so‘mga sotilgani haqida xabar berilgan edi.
Izoh (0)