Londonda O‘zbekiston savdo uyi ochilishi kutilmoqda. Bu haqda “Dunyo” agentligi xabar bermoqda.
O‘zbekistonning Buyuk Britaniyadagi elchixonasi “Britaniya—Markaziy Osiyo biznes kengashi” uyushmasining asoschisi Darius Nasimi 2022-yil 29-avgustdan 2-sentabrga qadar O‘zbekistonda bo‘lgan.
U “O‘zto‘qimachiliksanoat” uyushmasi, Savdo va sanoat palatasi, ITSV qoshidagi Eksportni qo‘llab-quvvatlash agentligi, Buxoro hamda Samarqand viloyatlari hokimliklari rahbariyati bilan uchrashuvlar o‘tkazgan edi.
Nasimining fikr bildirishicha, Britaniya bilan to‘qimachilik sanoatida o‘zaro hamkorlikni yo‘lga qo‘yish va mashhur kompaniyalarini O‘zbekistonning to‘qimachilik mahsulotlarini sotish jarayoniga jalb etish uchun katta imkoniyatlar mavjud — bu boradagi hamkorlik katta istiqbolga ega.
Unga ko‘ra, “O‘zto‘qimachiliksanoat” uyushmasi va Savdo-sanoat palatasi bilan birgalikda London shahrida O‘zbekiston savdo uyini va shou-rumini ochish ayni muddao bo‘ladi.
Shu bilan birga, Britaniya o‘rta va kichik biznes vakillari hamda korporativ mijozlar buyurtmalarini O‘zbekistonda joylashgan mahalliy ishlab chiqaruvchilarga yuborish, kelgusida esa ishlab chiqarishni yo‘lga qo‘yish maqsadga muvofiq.
Avvalroq O‘zbekistonda investitsiyalar uchun eng jozibador tarmoqlar aniqlangani haqida xabar berilgandi.
Izoh (0)