O‘zbekiston va SHHT mamlakatlari o‘rtasidagi savdo davlatlar kesimida qanday kechmoqda?

O‘zbekistonning SHHT mamlakatlari bilan tovar ayirboshlash hajmi 2021-yilda qariyb 25 foizga o‘sdi va 21 mlrd dollardan oshdi.

2022-yilning birinchi yarmida tovar ayirboshlash hajmi yana 30 foizga oshib, 12 mlrd dollarga yetdi, bunda umumiy hajm 24,5 mlrd dollarni tashkil etdi. 

SHHT mamlakatlari bilan tashqi savdo O‘zbekiston tashqi iqtisodiy faoliyatida muhim o‘rin tutadi. Xususan, Rossiya, Xitoy va Markaziy Osiyo mamlakatlari O‘zbekistonning asosiy savdo-iqtisodiy hamkorlari qatoriga kiradi.

So‘nggi 5 yil ichida O‘zbekistonning SHHT mamlakatlari bilan savdo aylanmasi 1,7 barobar, eksport 1,2 barobar, import 2 barobar oshdi. 

O‘zbekistonning tashqi savdo aylanmasidagi eng yuqori uch mamlakat — Xitoy, Rossiya va Qozog‘iston SHHT ga a’zo hisoblanadi. 

Joriy yilning yanvar—iyul ma’lumotlariga ko‘ra, Xitoy asosiy savdo hamkori bo‘lib, tashqi savdo aylanmasi 5,2 mlrd dollarga yetgan. Bunda eksport 1,5 mlrd dollar, import 3,7 mlrd dollarni tashkil qilgan. 

Bu davrda Rossiya bilan tashqi savdo aylanmasi 4,8 mlrd dollar, eksport 1,5 mlrd dollar, import 3,3 mlrd dollar bo‘lgan. 

2022-yilning yetti oyi bo‘yicha SHHT mamlakatlari bilan savdo aloqalar: 

Qozog‘iston:

• tashqi savdo aylanmasi — 2,48 mlrd dollar;
• eksport — 757 mln dollar; 
• import — 1,7 mlrd dollar. 

Qirg‘iziston:

• tashqi savdo aylanmasi — 660 mln dollar;
• eksport — 529 mln dollar; 
• import — 131 mln dollar. 

Hindiston: 

• tashqi savdo aylanmasi — 373 mln dollar;
• eksport — 18 mln dollar; 
• import — 359 mln dollar. 

Tojikiston: 

• tashqi savdo aylanmasi — 275 mln dollar;
• eksport — 220 mln dollar; 
• import — 54 mln dollar. 

2022 yil yanvar-iyul oylari yakunlariga ko‘ra, o‘tgan yilning shu davriga nisbatan O‘zbekistonning SHHT mamlakatlari bilan aylanmasi 25,3 foizga o‘sib, 14 milliard dollarni tashkil etdi. 

Eksport 24,4 foizga o‘sib, 4,6 milliard dollar, import 27,3 foizga o‘sib, 9,4 milliard dollar bo‘ldi.

Shuningdek, SHHT ga a’zo davlatlarning aksiyadorlik badallari quyidagicha:

• Xitoy — 20,6 foiz;
• Rossiya — 20,6 foiz;
• Qozog‘iston — 17,6 foiz;
• O‘zbekiston — 14,6 foiz;
• Qirg‘iziston — 8,8 foiz;
• Tojikiston — 6 foiz;
• Hindiston — 5,9 foiz;
• Pokiston — 5,9 foiz.

Avvalroq O‘zbekiston va Pokiston o‘zaro savdo hajmini 1 milliard dollargacha oshirishi haqida xabar berilgan edi.