Afg‘oniston O‘zbekiston va Xitoyda o‘z mahsulotlari ko‘rgazmalarini o‘tkazish niyatida. Bu haqda TOLO News telekanaliga tayanib “TASS” xabar bermoqda.
Savdo va sanoat vaziri Nuruddin Aziziy Afg‘onistonda hokimiyatni egallab olgan Tolibon tomonidan tuzilgan muvaqqat hukumat tarkibida hisoblanadi.
Biz O‘zbekiston va Xitoyda mahsulotlarimiz ko‘rgazmasini o‘tkazmoqchimiz, – deya uning so‘zlaridan iqtibos keltirgan telekanal.
Ta’kidlanishicha, hozirda Afg‘onistonda 69-76 ta atrofida korxona faoliyat ko‘rsatmoqda.
Biz iste’molchi davlat bo‘lishni emas, o‘z ishlab chiqarish va eksportimizni rivojlantirishni xohlaymiz, — deydi Aziziy.
AQSH o‘z qurolli kuchlarini mamlakatdan olib chiqish qarorini e’lon qilganidan so‘ng “Tolibon” harakati Afg‘oniston ustidan nazorat o‘rnatish uchun keng ko‘lamli operatsiya boshlagandi.
2021-yil 15-avgustda Tolibon jangsiz Kobulga kirgan va mamlakat prezidenti Ashraf G‘ani esa Afg‘onistonni tark etgan edi.
6-sentabr kuni Tolibon butun Afg‘oniston hududi ustidan nazorat o‘rnatilganligini e’lon qilgan edi.
Izoh (0)