Ўзбекистон ва ШҲТ мамлакатлари ўртасидаги савдо давлатлар кесимида қандай кечмоқда?

Ўзбекистоннинг ШҲТ мамлакатлари билан товар айирбошлаш ҳажми 2021 йилда қарийб 25 фоизга ўсди ва 21 млрд доллардан ошди.

2022 йилнинг биринчи ярмида товар айирбошлаш ҳажми яна 30 фоизга ошиб, 12 млрд долларга етди, бунда умумий ҳажм 24,5 млрд долларни ташкил этди. 

ШҲТ мамлакатлари билан ташқи савдо Ўзбекистон ташқи иқтисодий фаолиятида муҳим ўрин тутади. Хусусан, Россия, Хитой ва Марказий Осиё мамлакатлари Ўзбекистоннинг асосий савдо-иқтисодий ҳамкорлари қаторига киради.

Сўнгги 5 йил ичида Ўзбекистоннинг ШҲТ мамлакатлари билан савдо айланмаси 1,7 баробар, экспорт 1,2 баробар, импорт 2 баробар ошди. 

Ўзбекистоннинг ташқи савдо айланмасидаги энг юқори уч мамлакат — Хитой, Россия ва Қозоғистон ШҲТ га аъзо ҳисобланади. 

Жорий йилнинг январь—июль маълумотларига кўра, Хитой асосий савдо ҳамкори бўлиб, ташқи савдо айланмаси 5,2 млрд долларга етган. Бунда экспорт 1,5 млрд доллар, импорт 3,7 млрд долларни ташкил қилган. 

Бу даврда Россия билан ташқи савдо айланмаси 4,8 млрд доллар, экспорт 1,5 млрд доллар, импорт 3,3 млрд доллар бўлган. 

2022 йилнинг етти ойи бўйича ШҲТ мамлакатлари билан савдо алоқалар: 

Қозоғистон:

• ташқи савдо айланмаси — 2,48 млрд доллар;
• экспорт — 757 млн доллар; 
• импорт — 1,7 млрд доллар. 

Қирғизистон:

• ташқи савдо айланмаси — 660 млн доллар;
• экспорт — 529 млн доллар; 
• импорт — 131 млн доллар. 

Ҳиндистон: 

• ташқи савдо айланмаси — 373 млн доллар;
• экспорт — 18 млн доллар; 
• импорт — 359 млн доллар. 

Тожикистон: 

• ташқи савдо айланмаси — 275 млн доллар;
• экспорт — 220 млн доллар; 
• импорт — 54 млн доллар. 

2022 йил январь июль ойлари якунларига кўра, ўтган йилнинг шу даврига нисбатан Ўзбекистоннинг ШҲТ мамлакатлари билан айланмаси 25,3 фоизга ўсиб, 14 миллиард долларни ташкил этди. 

Экспорт 24,4 фоизга ўсиб, 4,6 миллиард доллар, импорт 27,3 фоизга ўсиб, 9,4 миллиард доллар бўлди.

Шунингдек, ШҲТ га аъзо давлатларнинг акциядорлик бадаллари қуйидагича:

• Хитой — 20,6 фоиз;
• Россия — 20,6 фоиз;
• Қозоғистон — 17,6 фоиз;
• Ўзбекистон — 14,6 фоиз;
• Қирғизистон — 8,8 фоиз;
• Тожикистон — 6 фоиз;
• Ҳиндистон — 5,9 фоиз;
• Покистон — 5,9 фоиз.

Аввалроқ Ўзбекистон ва Покистон ўзаро савдо ҳажмини 1 миллиард долларгача ошириши ҳақида хабар берилган эди.