O‘zbekistonda 9-sentabr kuni ikki marta yer silkinishi qayd etildi. Bu haqda FVV Seysmoprognostik monitoring Respublika markazi xabar qildi.
Toshkent vaqti bilan soat 01:29 da Qirg‘izistonda sodir bo‘lgan 4,6 magnitudali zilzila O‘zbekistonning ayrim hududlarida sezilgan:
- Bekobod shahrida — 2-3 ball,
- Shirin shahrida — 2-3 ball,
- Bekobod tumanida — 2 ball,
- Yangiobod tumanida — 2 ball,
- Boyovut tumanida — 2 ball.
Soat 02:00 da esa Andijon viloyati, Asaka tumanida 3,3 magnitudali yer silkinishi qayd etilgan.
Uning sezilish kuchi:
- Asaka tumanida — 2 ball,
- Shahrixon tumanida —2 ball,
- Marhamat tumanida —2 ball,
- Quva tumanida — 2 ball.
So‘nggi marta 31-avgust kuni Tojikistonda yuz bergan zilzila O‘zbekistonning qator hududlarida sezilgandi.
Izoh (0)