Toshkent shahrida Parlamentlararo ittifoqqa a’zo davlatlar parlamentlari ayol rahbarlarining 14-sammiti davom etmoqda. Unda BMT, Parlamentlararo ittifoq va unga a’zo mamlakatlar parlamentlari palatalarining ayol-spikerlari, Yevropada xavfsizlik va hamkorlik tashkiloti Parlament assambleyasi kabi xalqaro tashkilotlar rahbarlari, 17 davlatdan 120 dan ortiq parlament vakillari ishtirok etmoqda.
Ta’kidlanishicha, hozirgi zamonda parlamentarizm tobora rivoj topayotgan davrda dunyodagi nufuzli tashkilotlardan biri hisoblangan Parlamentlararo ittifoq dunyoda demokratik jarayonlarning rivojlanishiga, inson huquqlari va erkinliklarini ta’minlashga, tinchlik va xavfsizlikni mustahkamlashga munosib hissa qo‘shib kelmoqda.
Mazkur xalqaro tuzilma xotin-qizlar huquqlari va imkoniyatlarini kengaytirish, gender tenglikni ta’minlash hamda milliy parlamentlarning mamlakatlarning barqaror rivojlanishini ta’minlashdagi o‘rnini mustahkamlash hamda bu yo‘lda yana-da kuchli, inklyuziv bo‘lishiga xizmat qilmoqda.
Sammit o‘z ishini davom ettirmoqda.
Izoh (0)