O‘zbekistonda o‘tgan 8 oyda qancha elektrotexnika sanoati mahsulotlari eksport qilingani aytildi

O‘zbekistonda o‘tgan 8 oyda 514 million dollardan oshiq elektrotexnika sanoati mahsulotlari eksport qilindi. Bu haqda AOKAda bo‘lib o‘tgan brifingda “O‘zeltexsanoat” uyushmasi axborot xizmati rahbari Namoz Tolipov ma’lum qildi.

Shuningdek, o‘tgan 8 oyda ishlab chiqarish hajmi ham 12 trillion so‘mni tashkil etdi. 3 ta yirik klaster, jumladan, mis sanoati, qayta tiklanuvchi energiya manbalari hamda innovatsion faoliyat yo‘nalishini tashkil etish ishlari yo‘lga qo‘yilgan.

4 ta yirik ishlab chiqaruvchi qoshida “R&D” markazlarini tashkil etish rejalashtirilgan bo‘lib, ularning umumiy qiymati 20 milliard so‘mni tashkil etadi, shundan birinchi teng qismi (10 milliard so‘m) korxona hisobidan, ikkinchi teng qismi (10 milliard so‘m) Ilm-fanni moliyalashtirish va innovatsiyalarni qo‘llab-quvvatlash jamg‘armasi hisobidan moliyalashtiriladi.