Ўзбекистонда ўтган 8 ойда 514 миллион доллардан ошиқ электротехника саноати маҳсулотлари экспорт қилинди. Бу ҳақда АОКАда бўлиб ўтган брифингда «Ўзелтехсаноат» уюшмаси ахборот хизмати раҳбари Намоз Толипов маълум қилди.
Шунингдек, ўтган 8 ойда ишлаб чиқариш ҳажми ҳам 12 триллион сўмни ташкил этди. 3 та йирик кластер, жумладан, мис саноати, қайта тикланувчи энергия манбалари ҳамда инновацион фаолият йўналишини ташкил этиш ишлари йўлга қўйилган.
4 та йирик ишлаб чиқарувчи қошида «R&D» марказларини ташкил этиш режалаштирилган бўлиб, уларнинг умумий қиймати 20 миллиард сўмни ташкил этади, шундан биринчи тенг қисми (10 миллиард сўм) корхона ҳисобидан, иккинчи тенг қисми (10 миллиард сўм) Илм-фанни молиялаштириш ва инновацияларни қўллаб-қувватлаш жамғармаси ҳисобидан молиялаштирилади.
Изоҳ (0)