O‘zbekistonda shaharlararo avtobus yo‘lkira narxlari oshdi

O‘zbekistonda 2022-yilning avgust oyida shaharlararo avtobusda yo‘l haqi narxlari iyul oyiga nisbatan, ya’ni bir oyda o‘rtacha 1 foizga oshdi. Bu haqda Davlat statistika qo‘mitasi xabar qildi.

Qayd etilishicha, shaharlararo avtobusda yo‘l haqi yil boshidan buyon o‘rtacha 6,2 foizga qimmatlashgani kuzatilgan.

Shaharlararo avtobusda yo‘l haqi o‘tgan yilning mos davriga nisbatan solishtirilganda, ya’ni yillik nisbatda 8,8 foizga ko‘tarilgan.