Toshkent shahri Olmazor tumanida ta’maki mahsulotlarining noqonuniy muomalaga kiritilishi oldi olindi. Bu haqda Iqtisodiy jinoyatlarga qarshi kurashish departamenti xabar qildi.
Qayd etilishicha, Bosh prokuratura huzuridagi departamentning Olmazor tuman bo‘limi tomonidan Toshkent shahar bojxona boshqarmasi xodimlari bilan hamkorlikda tezkor tadbir o‘tkazilgan. Unda fuqaro D.Y. boshqaruvidagi yuk avtotransport vositasi ko‘zdan kechirilgan. Natijada xorijda ishlab chiqarilgan umumiy bahosi 125,7 million so‘mlik 9 950 quti aksiz markasiz tamaki mahsulotlarini o‘tkazish maqsadida olib kelayotgani aniqlanib, ashyoviy dalil sifatida olib qo‘yilgan.
Holat yuzasidan Jinoyat kodeksining 186-1-moddasi (ta’maki mahsulotini qonunga xilof ravishda ishlab chiqarish yoki muomalaga kiritish) bilan jinoyat ishi qo‘zg‘atilgan. Hozirda tergov harakatlari o‘tkazilmoqda.
Izoh (0)