AQSH Davlat departamenti Tayvanga 1,1 milliard dollardan ortiq qiymatdagi qurol va xizmatlar sotish imkoniyatini ma’qulladi. Bu haqda AQSH Mudofaa sohasida hamkorlik agentligi (Pentagon tuzilmasi) saytida xabar berilgan.
Gap uchta shartnoma haqida ketmoqda. Birinchisi 665,4 million dollarga radiolokatsion stansiyalarning moddiy-texnik ta’minotini nazarda tutadi. Ikkinchisi 355 million dollarga AGM-84L-1 Harpoon Block II raketalarini yetkazib berishni o‘z ichiga oladi. AQSHdagi Taypey iqtisodiy va madaniy idorasi 60 ta AGM-84L-1 Harpoon Block II raketalari va to‘rtta o‘quv raketalarini so‘ragan.
85,6 million dollarlik uchinchi shartnoma AIM-9X Block II Sidewinder “havo-havo” raketalarini sotish haqida. Taypey 100 ta AIM-9X Block II Sidewinder raketalarini va to‘rtta navigatsiya tizimini so‘ragan
AQSH prezidenti Jo Bayden ma’muriyati Kongressdan Tayvanga 1,1 milliard dollarlik qurol sotishni ma’qullashni so‘ramoqchiligi haqida avvalroq Politico nashri xabar bergandi.
Xitoyning Vashingtondagi elchixonasi matbuot kotibi Lyu Pen’yuy AQSHni Tayvanga qurol sotishni to‘xtatishga chaqirgan va bu “yagona Xitoy” tamoyiliga zid ekanini aytgan.
Izoh (0)