O‘zbek so‘mi orqali rublni dollarga konvertatsiya qilishdagi kurs farqi bahordan boshlab valyuta chayqovlarini jalb qila boshladi. Bu haqda “Kommersant” xabar bermoqda.
Rossiyada o‘zbekistonlik tadbirkorlar konvertatsiya sxemasini tashkil qildi: ular o‘zbek so‘mini rublga sotib olib, dollarga almashtiradi. Keyin esa Rossiyaga olib kelib, bu yerda yana rublga almashtiradi. “Vedomosti”ning yozishicha, bunday operatsiyalardan bir necha kun ichida 6 foiz foyda olish mumkin.
Bu usul 30 yil oldin valyuta chayqovlari tomonidan qo‘llanilgan va u hali ham nosozliklarsiz ishlaydi, biroq bu faqat qora bozorda mumkin, — deb tasdiqladi InstaForeks kompaniyalar guruhi tahlilchisi Aleksandr Davydov.
Misol uchun, avgust oyining boshida dollar Rossiyada kichik banklarda 65 rubl kursida sotilishi mumkin edi. O‘zbekistonda dollar kursi barqarorroq. Hill Consulting kompaniyasining katta maslahatchisi Sergey Nesterenkoning so‘zlariga ko‘ra, 100 ming rubl uchun taxminan 18 million so‘m sotib olib, ularni 1 640 dollarga almashtirish mumkin (Toshkentdagi qora bozordagi kurs dollarga nisbatan 11 ming so‘m), dollarni Rossiyaga olib, 65 rubl kursida rublga almashtirish mumkin.
Bu 106 ming rubl bo‘ladi, ya’ni nazariy jihatdan bir necha kun ichida 6 ming rubl yoki 6 foiz daromad olish mumkin.
Tajribali chayqovchilar qo‘shni mamlakatlar bozorini doimiy ravishda kuzatib borish va eng foydali stavkalarni tahlil qilish orqali o‘xshash geografik sxema bo‘yicha yillar davomida pul ishlashlari mumkin.
Rossiyada bu amaliyot mart—aprel oylarida jozibador bo‘lib, rubl rekord darajada zaiflashgan va ba’zi ayirboshlash punktlarida 1 dollar uchun 160 rublgacha yetgan edi.
Ammo so‘nggi bir necha hafta ichida Rossiya valyutasi dollarga nisbatan 60 rubl atrofida bo‘lmoqda.
Bundan tashqari, bunday operatsiyalar har doim bozordan tashqari risklar bilan birga keladi, deb ogohlantirdi “Otkritiye” menejment kompaniyasining investitsiya bo‘yicha direktori Vitaliy Isakov:
Rossiyadan shaxsiy xorijiy hisoblarga juda katta miqdorda dollar yuborish mumkin. Chet eldagi pullar hisobvaraqlardan naqd pulda yechib olinadi va keyin ular yana Rossiyaga olib kelinadi hamda valyuta kursi bo‘yicha emas, balki bank kursi bo‘yicha sotiladi — bu foydaliroq.
Chet elliklar, migrantlar yoki ikki fuqaroligi bo‘lgan odamlar bu amaliyotni qilishlari odatiy hol Bu oddiy ma’lum risklar bilan bog‘liq bo‘lgan iqtisodiy faoliyat.
Yaqin vaqtgacha Belarusda ham shunday qilish mumkin edi, ammo keyin u yerda naqd dollarni yechib olish uchun ba’zi komissiyalar joriy etildi.
O‘zbekiston Markaziy banki valyuta operatsiyalarining g‘ayritabiiy faolligiga e’tibor qaratdi. U xorijiy aktivlarni sotib olishga bo‘lgan talabning bir necha bor ortgani haqida xabar berdi.
2022-yilning birinchi yarmida jami xalqaro pul o‘tkazmalari hajmi sezilarli darajada oshib 6,53 mlrd dollarni tashkil etdi, bu o‘tgan yilning shu davriga nisbatan deyarli 2 barobarga yuqoridir.
O‘zbekistonga pul o‘tkazmalarida Rossiyaning hissasi 2021-yilning I yarmida 67,4 foizni tashkil qildi.
Bu holat O‘zbekiston banklarini valyutani yechib olish uchun komissiya joriy etishga majbur qildi. Iyul oyining oxiridan boshlab naqd pul o‘tkazish uchun 0,7 foiz komissiya olinadi.
Izoh (0)