Navoiy erkin iqtisodiy zonasida umumiy qiymati 10 mln dollarga teng “O‘zbekiston—Xitoy dori texnologiyalari parki” tashkil etilmoqda. Bu haqda Innovatsion rivojlanish vazirligi xabar berdi.
Loyiha doirasida joriy yilda qurilish ishlarini boshlash rejalashtirilgan bo'lib, xitoylik hamkorlar tomonidan ishlab chiqilgan qurilish loyihasi hozirda mahalliy talablarga moslashtirish ishlari yakunlandi.
Mazkur loyihani amalga oshirish uchun Navoiy erkin iqtisodiy zonasida 12 gektar yer maydoni ajratilgan.
Loyihani amalga oshirish natijasida O‘zbekistonda dori vositalarining substansiyalarini ilg‘or texnologiyalar asosida ishlab chiqarishga mo‘ljallangan noyob korxona vujudga keladi.
Mazkur korxonaning qurilishi 3 bosqichda amalga oshiriladi va 2024-yilning yakuniga kelib ishga tushirilishi rejalashtirilgan.
Biznes-rejaga ko‘ra, 16 turdagi dori vositalarining substansiyalari keng miqyosda ishlab chiqariladi va keyinchalik ularning soni bozor talablariga muvofiq ravishda kengayib boradi.
Shuningdek, loyihaning boshlang‘ich bosqichida 45 ta ish o‘rni yaratilishi rejalashtirilgan bo‘lib, har yili ish o‘rinlari soni oshirib boriladi.
Izoh (0)