Ўзбекистонда 2022 йилнинг биринчи ярим йиллиги учун Давлат бюджетининг даромадлари 92,6 трлн сўмни ташкил этди. Бу ҳақда Молия вазирлиги ҳисоботидан маълум бўлди.
Жорий кўрсаткич 2021 йилнинг январь—июнь ойларига нисбатан 17,8 трлн сўм (+23,7 фоиз) кўп бўлди.
Солиқ тушумлари 71 трлн сўмни ёки Давлат бюджети даромадлари умумий ҳажмининг 76,7 фоизини ташкил этди.
Божхона тушумлари эса 21,5 трлн сўмни ёки умумий кўрсаткичнинг 23,2 фоизиини ташкил этди.
Давлат бюджети даромадларининг ЯИМга нисбати жорий йилнинг биринчи ярим йиллигида 24,5 фоизни ташкил этди ва ўтган йилнинг шу даврига нисбатан 1 фоиз пунктга ошди.
ЯИМга нисбатан улушнинг ошиши асосан билвосита солиқлардан даромадлар ва солиқ бўлмаган тушумларнинг ўсиши билан изоҳланади.
Давлат бюджети даромадлари ярим йилда 2020 йили 58,2 трлн, 2021 йили 74,8 трлн сўм бўлган эди.
Изоҳ (0)