Afg‘onistonda Tolibon hukumati o‘zi “axloqqa zid” deb hisoblagan 23 milliondan ortiq saytlarni to‘sib qo‘ydi, dedi Aloqa vaziri Najibulloh Haqqoniy. Bu haqda TOLO news nashriga tayanib, “RBK” xabar bermoqda.
Biroq aynan qaysi ma’lumotlar axloqiy emasligi aniqlanmagan.
Aloqa vaziri takidlaganidek, mamlakatda qashshoqlik hukm surayotganiga qaramay, ayrim yoshlar hali-hamon bunday saytlardan foydalanishda davom etmoqda. Shu sababdan ham saytlar bloklanadi. Ammo ba’zilari internetda bloklangan bo‘lsa-da, tez orada baribir shunga o‘xshashlari paydo bo‘ladi.
Bundan tashqari, agentlik noqonuniy SIM-kartalarga qarshi kurash olib borilayotgani, 85-90 foiz hollarda ulardan foydalanishning oldi olinayotganini qayd etdi. Mamlakatda jami 35 million dona SIM-karta tarqatilgan, ulardan 22 millioni faol.
Ma’lumot uchun, BMT aholi jamg‘armasining 2022-yilgi hisobiga ko‘ra, Afg‘onistonda 40 milliondan ortiq aholi istiqomat qiladi.
Vazirlik, shuningdek, internetga kirishning hozirgi narxidan deyarli yarmigacha arzonlashishiga erishganini ma’lum qildi.
Izoh (0)