25-avgust kuni Rossiya Mudofaa vazirligi Chaplino avvalgi kuni rus qo‘shinlari tomonidan o‘qqa tutilganini tasdiqladi – zarba go‘yoki ukrainalik harbiylar ketayotgan eshelonga berilgan. Hujum oqibatida, Ukraina rasmiylariga ko‘ra, 25 kishi, jumladan, ikki bola halok bo‘lgan. Rossiya Davlat Dumasi kengashi BMT va MAGATEni Ukrainadan Zaporojye atom elektr stansiyasini o‘qqa tutishni zudlik bilan to‘xtatishni talab qilishga chaqirdi: tomonlar stansiyaga zarba berishda bir-birini ayblamoqda. Ishg‘ol qilingan Xerson va Zaporojye viloyatlarining bir qancha yirik shaharlarida elektr ta’minotida uzilishlar yuz berdi. Zaporojye AESda xavfsizlik tizimlari ishlamay qoldi. Ukrainaning “Energoatom” kompaniyasi stansiya tarixida birinchi marta elektr tarmog‘idan to‘liq o‘chirilganini xabar qildi. Vladimir Putin Rossiya qurolli kuchlari sonini oshirmoqda: 2023-yilning yanvaridan boshlab harbiy xizmatchilar soni 1 million 150 ming kishini tashkil etadi. Meduza urushning 183-kuniga oid asosiy fotosuratlarni taqdim etadi.
Zaporojye atom elektr stansiyasi ustidan ko‘tarilgan tutun
Zaporojye AESning sun’iy yo‘ldoshdan olingan tasviri. Rasmda yong‘indan ko‘tarilgan tutun aks etgan. Mart oyidan beri stansiya, butun shahar kabi, rus qo‘shinlari tomonidan nazorat qilinmoqda. Avgust oyi boshidan buyon stansiya hududi o‘qqa tutilayotgani haqida xabarlar ko‘paymoqda. Rossiya va Ukraina hujumlar uchun bir-birini ayblamoqda.Foto: Reuters
Dnepropetrovsk viloyatining Chaplino posyolkasiga berilgan zarba oqibatlari
24-avgust kuni Rossiya tomonidan o‘qqa tutilgan Chaplino stansiyasidagi poyezd. Zarbalarda 25 kishi, jumladan, ikki bola halok bo‘lgan.Foto: Anadolu
Chaplino stansiyasiga hujum oqibatida shikastlangan poyezd. To‘rtta vagon yonib ketgan, ular ichida odamlar bo‘lgan.Foto: AP Photo
Rossiyaning raketa hujumi oqibatida vayron qilingan avtomobillar. Vladimir Zelenskiy BMT Xavfsizlik kengashiga yo‘llagan videomurojaatida Chaplinoning o‘qqa tutilishi haqida gapirdi. Rossiya Mudofaa vazirligi vakillari hujum nishoni harbiy poyezd bo‘lganini ta’kidlab, operatsiya muvaffaqiyatli o‘tganini ma’lum qildi.Foto: Anadolu
Chaplinolik kishi uyining vayronalari orasida muzlatgich ichida qolgan ovqatni olib ketmoqda. Uy boshqa bir qancha turar joy binolari kabi rus qo‘shinlarining raketa zarbasidan vayron qilingan.Foto: Reuters
Severodonetskda gumanitar yordam tarqatish jarayoni
LXR xalq armiyasi askari va uning ortida gumanitar yordamga navbatda turgan mahalliy aholi. Martdan iyungacha Severodonetskda janglar bo‘lib o‘tdi, shaharda hali ham energiya, gaz va suv yo‘q. “TASS” xabariga ko‘ra, tibbiyot muassasalari vayron bo‘lgan, Rossiya harbiylari ko‘chma kasalxona tashkil qilgan.Foto: “TASS”
Gumanitar yordam uchun navbat. LXR rasmiylari Severodonetskdagi turar joy binolarining yarmidan ko‘pini qayta tiklash shart emas, deb hisoblamoqda. Ukraina ommaviy axborot vositalarining ta’kidlashicha, shahar ko‘chalari chiqindilardan deyarli tozalanmagan.Foto: “TASS”
Nyu-York posyolkasidagi hayot
Nyu-York posyolkasidagi “Men Nyu-Yorkni yaxshi ko‘raman” degan belgi. Posyolka Gorlovka (DXR qo‘shinlari nazorati ostida) va Toretskiy (Ukraina Qurolli Kuchlari tomonidan nazorat qilinadi) shaharlari yaqinida, Donetsk viloyatining Bahmutskiy tumanida joylashgan. Rossiyaning Ukrainaga bostirib kirishidan oldin posyolkada 10 mingga yaqin odam yashagan bo‘lsa, hozir u Donbassdagi shiddatli janglar zonasiga aylangan. Posyolka Ukraina Qurolli kuchlar nazorati ostida.Foto: Reuters
Posyolkaning 64 yoshli fuqarosi Valeriy o‘choqda ovqat pishirmoqda. Ukraina Qurolli Kuchlari Bosh shtabining so‘nggi ma’lumotlariga ko‘ra, Nyu-York joylashgan Bahmut yo‘nalishida rus qo‘shinlarining hujumi davom etmoqda — ammo hujumlar qaytarilmoqda.Foto: Reuters
Nyu-York posyolkasidagi madaniy va tarixiy markazning derazasidan ichki ko‘rinishiFoto: Reuters
Nyu-yorklik 86 yoshli Lyubov Arkadevna cherkovdan uyiga qaytmoqda.Foto: Reuters
Xarkov viloyatidagi Ukraina qo‘shinlari
Ukrainalik askar chodirdan chiqmoqda. 25-avgust kuni rossiyaliklar Xarkov viloyati Chuguyevskiy tumanidagi Lebyajye qishlog‘ini o‘qqa tutdi – bir kishi halok bo‘ldi, dedi mahalliy hokimiyat. Ukraina Qurolli Kuchlari Bosh shtabining so‘nggi ma’lumotlariga ko‘ra, Rossiya armiyasi boshqa qishloq — Petrovka yaqinida muvaffaqiyatsiz hujum uyushtirgan va yo‘qotishlarga uchrab, orqaga chekingan.Foto: AFP
Ukrainaning Su-25 samolyoti mamlakat sharqiy qismida uchmoqda. Rasm aynan qayerda olingani aytilmagan.Foto: AFP
Izoh (0)