Афғонистонда Толибон ҳукумати ўзи «ахлоққа зид» деб ҳисоблаган 23 миллиондан ортиқ сайтларни тўсиб қўйди, деди Алоқа вазири Нажибуллоҳ Ҳаққоний. Бу ҳақда TOLO news нашрига таяниб, «РБК» хабар бермоқда.
Бироқ айнан қайси маълумотлар ахлоқий эмаслиги аниқланмаган.
Алоқа вазири такидлаганидек, мамлакатда қашшоқлик ҳукм сураётганига қарамай, айрим ёшлар ҳали-ҳамон бундай сайтлардан фойдаланишда давом этмоқда. Шу сабабдан ҳам сайтлар блокланади. Аммо баъзилари интернетда блокланган бўлса-да, тез орада барибир шунга ўхшашлари пайдо бўлади.
Бундан ташқари, агентлик ноқонуний SIM-карталарга қарши кураш олиб борилаётгани, 85-90 фоиз ҳолларда улардан фойдаланишнинг олди олинаётганини қайд этди. Мамлакатда жами 35 миллион дона SIM-карта тарқатилган, улардан 22 миллиони фаол.
Маълумот учун, БМТ аҳоли жамғармасининг 2022 йилги ҳисобига кўра, Афғонистонда 40 миллиондан ортиқ аҳоли истиқомат қилади.
Вазирлик, шунингдек, интернетга киришнинг ҳозирги нархидан деярли ярмигача арзонлашишига эришганини маълум қилди.
Изоҳ (0)