Kiyevning “qora ro‘yxati”dagi amerikaliklar AQSH Kongressidan o‘z huquqlarini himoya qilishni talab qilmoqda

Ukraina Dezinformatsiyaga qarshi kurash markazining (DQK) “qora ro‘yxati”ga kiritilgan Amerika fuqarolari AQSH Kongressiga o‘z huquqlari va so‘z erkinligini himoya qilish choralarini ko‘rish talabi bilan murojaat qildi. Bu haqda “Gazeta.ru” xabar bermoqda.

Amerikaliklarga ko‘ra, DQK ularni “Rossiya tashviqoti”ni targ‘ib qilishda ayblamoqda. Bundan tashqari, ular “axborot terrorchilari” va “harbiy jinoyatchilar” deb atagan.

Bir guruh AQSH fuqarolari DQK Vashington tomonidan moliyalashtirilganini ta’kidlagan. Shu munosabat bilan amerikaliklar Kongressni Ukraina agentligini moliyalashtirish va uning amerikaliklar huquqlari va xavfsizligiga bevosita tahdid yaratishdagi rolini tekshirishga chaqirdi.

Hammasi bo‘lib, Ukraina Dezinformatsiyaga qarshi kurash markazining “qora ro‘yxati”ga bir nechta mamlakatlardan 72 nafar shaxsning ismi kiritilgan.

Avvalroq ukrainalik qo‘shiqchi va siyosatchi Anastasiya Prixodko Vera Brejneva va uning turmush o‘rtog‘i Konstantin Meladzeni sotqin deb atab, ularni Ukrainaning “qora ro‘yxati”ga kiritishga chaqirgani edi.