Rossiyaning BMTdagi doimiy vakili Vasiliy Nebenzya BMT Xavfsizlik kengashi yig‘ilishida Zaporojye atom elektr stansiyasi hududidagi vayronagarchiliklar aks etgan suratlarni namoyish etdi. Moskva ularni Xavfsizlik kengashi va BMT Bosh assambleyasiga tarqatdi. Bu haqda “Kommersant” nashri xabar bermoqda.
Men sizga Zaporojye AES hududida Ukraina qurolli kuchlari tomonidan o‘qqa tutilishi natijasida vayronalar fotosuratini ko‘rsatmoqchiman. Bizda bunday fotografik dalillarning butun to‘plami mavjud. Bugun ertalab biz uni Xavfsizlik kengashi va BMT Bosh assambleyasining rasmiy hujjatlari sifatida tarqatdik”, — deydi Nebenzya.Rossiya tomoniga ko‘ra, atom elektr stansiyalarida yadro xavfsizligi bilan bog‘liq vaziyat so‘nggi ikki hafta ichida “bundan ham yomonlashgan”. Moskva yaqin orada MAGATE mutaxassislarining stansiyaga tashrif buyurishini kutmoqda.
Rossiyaning BMTdagi doimiy vakili AES hududidan Rossiya qo‘shinlarini olib chiqib ketish va u yerda qurolsizlantirilgan hudud yaratish zarurligi haqidagi mas’uliyatsiz bayonotlar bergan. Uning fikricha, buni aytganlar AES xavfsiz ishlashi uchun shart-sharoitlarni saqlab qolish zarurligini hisobga olmaydi.
Nebenzyaning qayd etishicha, AESni nazorat qiluvchi Rossiya qurolli kuchlari u yerga og‘ir qurollarni joylashtirmaydi va stansiyadan “harbiy maqsadlarda” foydalanmaydi.
Mart oyi boshida Zaporojye AES to‘liq Rossiya harbiylari nazoratiga o‘tgan edi. Avgust oyida esa Moskva va Kiyev muntazam ravishda bir-birini hududni o‘qqa tutishda aybladi. Hozirda MAGATE mutaxassislarining stansiyaga tashrifi muvofiqlashtirilmoqda.
Izoh (0)