Zaporojye atom elektr stansiyasining barcha olti bloki Ukraina elektr tarmoqlaridan uzildi. Bu haqda Ukrainaning Energoatom davlat korxonasi Telegram kanaliga tayanib, “Kommersant” xabar bermoqda.
Zaporojye viloyati bu bayonotni bilvosita tasdiqladi va mamlakatning elektr tarmog‘idan uzilishini Ukraina Qurolli kuchlari tomonidan muntazam ravishda o‘qqa tutilishi bilan bog‘ladi.
Energoatom ma’lumotlariga ko‘ra, hozirda ikkita reaktor blokini tarmoqqa ulash ishlari olib borilmoqda. Kompaniya shuningdek, stansiyaning o‘z ehtiyojlari uchun elektr energiyasi Ukraina energetika tizimidan elektr uzatish liniyasi orqali yetkazib berilayotganini aytgan.
Ma’muriyat a’zosi Vladimir Rogovning ma’lum qilishicha, Ukraina “Zaporojye atom elektr stansiyasini o‘qqa tutish bilan o‘z o‘yinini yakunladi” va elektr uzatish liniyalarini uzib qo‘ydi. Shuning uchun Ukraina energetika tizimi stansiyadan uzilishi mumkin edi.
Zaporojye AESga kirish ta’qiqlangani sababli Ukraina elektr energiyasini eksport qilish uchun pul yo‘qotishi mumkin.
Izoh (0)