Pokistonda yomg‘ir bilan bog‘liq baxtsiz hodisa qurbonlari soni 900 kishiga yetdi. Suv toshqini sababli milliy favqulodda holat e’lon qilindi (video)

Pokistonda milliy favqulodda holat e’lon qilindi. Shuningdek, mamlakat armiyasi fuqarolik ma’muriyatiga yordam va qutqaruv operatsiyalarida yordam berishga chaqirildi, chunki yomg‘ir bilan bog‘liq hodisalarda halok bo‘lganlar soni 900 kishidan oshgan. Bu haqda Reuters xabar bermoqda.

Qaror payshanba (25-avgust) oqshomida bo‘lib o‘tgan uch soatlik yig‘ilishda: rasmiylar suv toshqinlari butun mamlakat bo‘ylab 30 milliondan ortiq odamga ta’sir qilgani, shuningdek, ularning aksariyatini kuchli yomg‘irlar tufayli uylari vayron bo‘lgani va boshqa joyga ko‘chirilganini aytganidan so‘ng qabul qilingan.

Uchrashuvda bosh vazir Shehbaz Sharif fuqarolik ma’muriyatiga yordam va qutqaruv operatsiyalarida yordam berish uchun Pokiston armiyasidan askar yuborishga qaror qilgan.

Bosh vazir xalqaro hamjamiyatdan yordam so‘rash uchun Islomobodda joylashgan xorijiy elchilarni favqulodda konferensiyaga chaqiradi”, — deyiladi bayonotda.

Tabiiy ofatlarni boshqarish milliy boshqarmasi (NDMA) ma’lumotlariga ko‘ra, shu paytga qadar 937 kishi, jumladan, 343 nafar bola va 198 nafar ayol halok bo‘lgan, iyun o‘rtalaridan beri yana 1343 kishi yaralangan.

Shuningdek, suv toshqini 670 ming 328 ta uy, 122 do‘kon, 145 ko‘prik va 3 ming 82 kilometr (1915 milya) yo‘lni vayron qilgan.

Iqlim vaziri senator Sherri Rehman konferensiyada xalqaro donor tashkilotlar vakillariga so‘nggi yomg‘irlar 30 yillik o‘rtacha ko‘rsatkichdan oshib ketganini aytdi.

Ayni paytda xalqaro tashkilotlar va moliya institutlari, bosh vazirning yordam so‘rab qilgan murojaatidan so‘ng suv toshqinidan jabrlanganlarga zudlik bilan 5 yuz million dollardan ortiq yordam ko‘rsatilishini e’lon qildi.

Bosh vazirlik ma’lumotlariga ko‘ra, Jahon banki 350 million dollar, Jahon oziq-ovqat dasturi 110 million dollar, Osiyo taraqqiyot banki 20 million dollar va Buyuk Britaniya suv toshqini qurbonlari uchun 40 million dollardan ortiq yordam ko‘rsatishini e’lon qilgan.