“Qonunlar ijrosidagi eng yoqimsiz holat bu to‘g‘ridan to‘g‘ri, bevosita emas bilvosita ishlashidir” — advokat Bahodir Ahmedov konstitutsion islohotlar haqida

O‘zbekistonda Konstitutsiyaga kiritilayotgan o‘zgartirish loyihasi haqida advokat Bahodir Ahmedov o‘z fikrlarini bildirdi.

Konstitutsion islohotlar doirasida 15-moddaga qonun ustuvorligining butun O‘zbekiston hududida birdek ta’minlanishini ko‘zda tutuvchi o‘zgartirish kiritilmoqda. Unga ko‘ra, “O‘zbekiston Respublikasining Konstitutsiyasi oliy yuridik kuchga ega bo‘lib, to‘g‘ridan to‘g‘ri amal qiladi va O‘zbekiston Respublikasining butun hududida qo‘llaniladi.”

Mazkur o‘zgartirish, Konstitutsiyadagi normalarning u yoki bu qonun, qonunosti hujjatning qabul qilinishi yoxud mansabdor shaxsning ko‘rsatmasi asosida qo‘llanilishiga yo‘l qo‘ymaydi, fuqarolarga konstitutsion huquqlaridan foydalanishga sharoit yaratadi.

Qonunlar ijrosidagi eng yoqimsiz holat bu to‘g‘ridan to‘g‘ri, bevosita emas bilvosita ishlashidir. Biz hamisha shu uchun kurashamiz”.

Bahodir Ahmedov, advokat

Shavkat Mirziyoyev 8-dekabr — Konstitutsiya bayrami munosabati bilan O‘zbekiston xalqiga yo‘llagan tabrigida mamlakat asosiy qomusiga o‘zgartirishlar kiritilishi mumkinligi haqida gapirgandi.