Madridning “Real” klubi hujumchisi Vinisius Junior Braziliya terma jamoasining sentyabr oyida bo‘lib o‘tadigan JCH–2026 saralash bahslariga chaqirilmaydigan bo‘ldi. Bu haqda Globo nashri xabar berdi.
Braziliya 4-sentabr kuni o‘z maydonida Chili, 9-sentyabr kuni esa safarda Boliviya terma jamoasiga qarshi o‘yin o‘tkazadi. Ushbu bellashuvlar Janubiy Amerika qit’asidagi saralash bosqichining so‘nggi turlaridan hisoblanadi. Futbolchining jismoniy holati va klubdagi yuklamalari inobatga olingan holda murabbiylar shtabi Vinisiusga dam berishga qaror qilgan.
Ma’lumot uchun, Karlo Anchelotti boshchiligidagi Braziliya terma jamoasi JCH–2026 turnirining final bosqichiga muddatidan oldin yo‘llanmani qo‘lga kiritgan. 18 turdan keyin “pentakampeonlar” 25 ochko bilan turnir jadvalining 3-pog‘onasida bormoqda. Hatto sentabr oyidagi ikki o‘yinda mag‘lub bo‘lishsa ham, Braziliya kuchli oltitalikdan chiqib ketmaydi.
- Vinisius 2019-yildan beri Braziliya terma jamoasidan chaqiruv oldi.
- U hozirga qadar “sariq-yashillar” tarkibida 41 o‘yinda maydonga tushib, 7 ta gol hamda 6 ta assist muallifiga aylangan.
- Transfermarkt portali hujumchining qiymatini 170 million yevroga baholamoqda.
Izoh (0)