Majburiy ijro byurosining Angren shahar bo‘limi ish yurituvida fuqarolik ishlari bo‘yicha Ohangaron tumanlararo sudining ijro varaqalariga asosan, qarzdor “U.E.” mas’uliyati cheklangan jamiyatidan, undiruvchi davlat foydasiga davlat boji va mazkur korxonaning ishchi xodimlari foydasiga ish haqi undirish to‘g‘risidagi ijro hujjati kelib tushgan.
Mazkur ijro hujjatlarini ijrosini ta’minlash maqsadida bo‘lim davlat ijrochilari tomonidan qarzdor korxonaning bankdagi barcha hisob raqamlariga o‘rnatilgan tartibda band solish to‘g‘risida qaror qabul qilinib, “MIB portal” dasturi orqali inkasso topshiriqnomasi bankka yuborilgan holda qarzdorning barcha raqamlariga band solingan.
Olib borilgan ijro harakatlari davomida qarzdor MCHJdan 300 million so‘m byuroning Angren shahar bo‘limi depozit hisob raqamiga undirilgan.
Natijada “Sud hujjatlari va boshqa organlar qarorlarini ijro etish to‘g‘risida”gi Qonunning 80-moddasiga ko‘ra, davlat boji va ishchi xodimlar ish haqlariga o‘tkazib berilishi ta’minlandi.
Izoh (0)