24-avgust kuni OAVlarda Toshkentda davlat muhofazasiga olingan AOKA binosining fasadi Madaniy meros agentligining tegishli ruxsati olinmasdan ta’mirlanayotgani haqida xabarlar keng tarqaldi. Agentlik holat yuzasidan ma’lumot berdi.
Unda aytilishicha, Navoiy ko‘chasida joylashgan bu bino arxitektura yodgorligi sifatida Vazirlar Mahkamasi qarori bilan davlat muhofazasiga olingan. 8-avgust kuni Toshkent shahar Madaniy meros boshqamasiga ushbu binoda ta'mirlash ishlarini olib borish yuzasidan murojaat qilingan.
Madaniy meros boshqarmasi murojaatni ko‘rib chiqib, 10 kun muddatda loyiha hujjatlarini tayyorlab, Ilmiy-ekspert kengashiga taqdim etishni so‘ragan. Hujjatlar bugungi kunda Ilmiy-ekspert kengashining navbatdagi majlisida ko'rib chiqib, tegishli qaror qabul qilish uchun yuborilgan.
Shu bilan birga, kuz-qish mavsumi yaqinlashib kelayotgani va yog'ingarchiliklarni hisobga olib, Madaniy meros agentligi tomonidan binoga shikast yetkazmasdan uning asl holati, tarixiyligini saqlab qolgan holda, o'rnatilgan tartibda fasad qismini dastlabki kosmetik ta'mirlash ishlari amalga oshirishiga 8-avgust kuni ruxsat berilgan.
“Ushbu obyekti kosmetik ta’mirlash bo‘yicha amalga oshirilayotgan ishlar Toshkent shahar Madaniy meros boshqarmasi nazorati ostida olib borilayotganini ma’lum qilamiz”, — deb ta’kidlangan xabarda.
Izoh (0)