23-avgust kuni Toshkentda akkreditatsiyadan o‘tgan diplomatiya korpusi vakillarining katta guruhi “Afrosiyob” tezyurar poyezdi bilan Samarqandga yetib keldi. Bu haqda “Dunyo” axborot agentligi xabar qildi.
Qayd etilishicha, Samarqand temiryo‘l vokzalida diplomatlarni viloyat va shahar hokimligi mutasaddilari kutib olgan. Shundan so‘ng diplomatlar Samarqand shahrida yangi qurilgan Turizm markaziga tashrif buyurgan “Abadiy shahar” majmuasi, Kongress-holl va besh yulduzli yangi “Samarkand regency Amir Temur” mehmonxonasini ko‘zdan kechirgan.
Bundan tashqari, mehmonlar SHHTga a’zo davlatlar rahbarlari sammitiga tayyorgarlik ko‘rish doirasida Samarqand shahrida amalga oshirilayotgan qurilish ishlari bilan ham tanishgan.
Izoh (0)