23 август куни Тошкентда аккредитациядан ўтган дипломатия корпуси вакилларининг катта гуруҳи «Афросиёб» тезюрар поезди билан Самарқандга етиб келди. Бу ҳақда «Дунё» ахборот агентлиги хабар қилди.
Қайд этилишича, Самарқанд темир йўл вокзалида дипломатларни вилоят ва шаҳар ҳокимлиги мутасаддилари кутиб олган. Шундан сўнг дипломатлар Самарқанд шаҳрида янги қурилган Туризм марказига ташриф буюрган «Абадий шаҳар» мажмуаси, Конгресс-ҳолл ва беш юлдузли янги «Самарканд регенcй Амир Темур» меҳмонхонасини кўздан кечирган.
Бундан ташқари, меҳмонлар ШҲТга аъзо давлатлар раҳбарлари саммитига тайёргарлик кўриш доирасида Самарқанд шаҳрида амалга оширилаётган қурилиш ишлари билан ҳам танишган.
Изоҳ (0)