Samarqand xalqaro aeroporti 14-sentabrdan 17-sentabr qadar bo‘lgan muddatda tijoriy muntazam va nomuntazam yo‘lovchi hamda yuk reyslarini qabul qilmaydi. Bu haqda aviakompaniya xodimlar uchun xalqaro ogohlantirish tizimiga tayanib Telegram’dagi “AviaAlertsUZ” xabar qildi.
Ma’lumot uchun, 15—16-sentabr kunlari Samarqand Shanxay hamkorlik tashkilotining navbatdagi sammitida mezbonlik qiladi.
Shanxay hamkorlik tashkilotining Samarqand sammiti Eron 2021-yil sentabrida tashkilotga to‘laqonli ishtirokchi sifatida qo‘shilganidan beri birinchisi bo‘ladi. SHHTga a’zo davlatlar: O‘zbekiston, Xitoy, Rossiya, Qozog‘iston, Qirg‘iziston, Tojikiston, Pokiston, Hindiston va Eron. Afg‘oniston, Mo‘g‘uliston va Belarus tashkilotda kuzatuvchi, Turkiya esa muloqot bo‘yicha hamkor sifatida ishtirok etadi.
Sammitda tashkilotga a’zo ko‘plab davlatlar bilan umumiy chegaraga ega Afg‘onistondagi vaziyat har tomonlama muhokama qilinadi va muhim qarorlar qabul qilinishi kutilmoqda. Mavzuga doir:
