Turkiya Rossiyadan neft importini ikki baravar oshirdi

G‘arbning Rossiyaga qarshi sanksiyalari tufayli Turkiya joriy yilda Rossiya nefti importini ikki baravar oshirdi. Bu haqda Reuters xabar bermoqda.

Shunday qilib, mamlakat joriy yilda Rossiyadan xomashyo importini, jumladan, Urals va Sibir Light’ni o‘tgan yilgi 98 ming barrelga nisbatan kuniga 200 ming barreldan ko‘proqqa oshirdi.

Refinitiv Eikon ma’lumotlariga ko‘ra, Turkiyaning Tüpraş neftni qayta ishlash zavodlari va Star neftni qayta ishlash zavodi joriy yilda Rossiyaning Urals va Sibir Light neftini sotib olishni sezilarli darajada oshirdi.

Yil boshidan beri Star 48 ming barrelga nisbatan kuniga taxminan 90 ming barrel, Tüpraş esa o‘tgan yilgi 45 ming barrelga nisbatan qariyb 111 ming barrel Rossiya xom ashyosini sotib oldi.

2022-yilning birinchi yarmida Rossiya Turkiya mahsulot import qiluvchi davlatlar orasida birinchi o‘rinni egalladi.

Yanvar—iyun oylarida mamlakatga 27,7 mlrd dollarlik (mamlakat umumiy importining 16 foizi) Rossiya tovarlari yetkazib berildi.

Xitoydan import 20,1 mlrd dollarni tashkil etdi. Rossiyadan Turkiya importining 60 foizdan ortig‘i neft va gazdir.

Avvalroq Turkiyada 1 milliard dollarlik neft topilgani haqida xabar berilgandi.