Saudiya Arabistoni davlat televideniyesining xabar berishicha, mamlakat O‘zbekiston bilan umumiy qiymati 45 milliard riyol (11,99 milliard dollar) bo‘lgan 10 ta investitsiya shartnomasini imzoladi, deb yozmoqda “Reuters” nashri.
Qayd etilishicha, davlat televideniyesi bitimlar mohiyati haqida qo‘shimcha ma’lumot bermagan.
Avvalroq Shavkat Mirziyoyev 17-avgust kuni ertalab davlat tashrifi bilan Saudiya Arabistoniga jo‘nab ketgani xabar qilingandi. Tashrifning birinchi manzili sifatida barcha musulmonlar uchun muqaddas Madina shahri ziyorat qilinadi. Kunning ikkinchi yarmida davlat rahbari Jidda shahriga boradi. Bu yerda oliy darajadagi O‘zbekiston—Saudiya sammitining rasmiy tadbirlari bo‘lib o‘tadi.
Izoh (0)